Mótmælum í hádeginu !
Borgarahreyfingin hvetur fólk að sjálfsögðu til að fjölmenna að Íslandsbanka Kirkjusandi kl 12:15 í dag !
Vegna fjölda áskorana hefjast bílamótmæli kl 12:15 í stað kl 12:00 í dag, þriðjudag. Bílamótmæli byrja fyrir utan Íslandsbanka Kirkjusandi og ætla þeir sem mæta að flauta í 1 mínútu aukalega vegna nýráðins flokksgæðings innan bankakerfisins íslenska.
Yfirlýsing NÍ: Í dag eru 16.999 atvinnulausir skv. vef Vinnumálastofnunar. Auðvitað hefur samtryggingarkerfi fjórflokksins sett enn einn gæðinginn á ríkisjötuna. Því ætlar Nýtt Ísland að hvetja alla sem mæta í dag til að flauta aukalega eina mínútu fyrir utan Íslandsbanka til heiðurs nýráðnum stjórnarformanni bankans, flokksgæðingnum Friðriki Sophussyni. Athyglisvert er að upplifa hvernig stjórnvöld hafa afhent fólkinu í landinu skuldir og óreiðu þeirra sjálfra og hrungerenda og einnig hvernig stjórnvöld hafa ákveðið að fólkið semji beint við hrungerendur (bankastofnanir og lánafyrirtæki). Nýtt Ísland hvetur fólk til að rísa upp og neita þessu óréttlæti og fólkið standi saman um að mótmæla óréttlætinu"
Stjórnarfundur þriðjudaginn 26.jan. kl 17:30
Stjórnarfundur BH þriðjudaginn 26.janúar kl 17:30
Dagskrá:
Málið tekur nýja stefnu
Í ljósi þeirrar fyrirspurnar sem Borgarahreyfingin sendi inn til lagadeildar HÍ um helgina og þess svars sem barst í kjölfarið þykir okkur vel við hæfi að benda á þá staðreynd að ríkissaksóknari hefur dregið til baka ákæru á hendur mótmælendunum umtöluðu. Ástæða þess er sú að einn brotaþoli í málinu ku vera hálfsystir eiginkonu ríkissaksóknara. Í ljósi þessa telur ríkissaksóknari sig vanhæfan í málinu og hefur dregið ákæruna til baka.
Borgarahreyfingin fagnar ákvörðuninni um leið og hún hvetur til faglegra vinnubragða innan stjórnsýslu og réttarkerfis, sér í lagi við ráðningar embættismanna.
Fyrirspurn og svar lagadeildar HÍ
Borgarahreyfingin hefur farið þess á leit við lagadeild HÍ að sérfræðingar hennar gefi álit sitt á því hvort að ákæra skrifstofustjóra Alþingis á hendur 9 mótmælendum með tilvísun til 100 gr. almennra hegningarlaga frá 1940 sé viðeigandi. Afar ströng viðurlög liggja við broti gegn umræddri grein og í ljósi ástandsins sem ríkti í þjóðfélaginu í desember 2008 telur BH rétt að skoða atburðarásina og framferði mótmælendanna sem tæpast höfðu í huga að taka Alþingi í gíslingu eða valda mönnum tjóni, enda engin vopn höfð um hönd.
Áttundi kröfufundurinn - mætum öll !
Borgarahreyfingin vill minna fólk á áttunda kröfu- og mótmælafund Nýs Íslands og Hagsmunasamtaka heimilanna - Stöndum upp úr sófanum og sameinumst gegn því hrikalega óréttlæti sem hér viðgengst !
Áttundi kröfufundur Nýs Íslands og Hagsmunasamtaka heimilanna verður á Austurvelli laugardaginn 23. janúar kl. 15,
Spillinguna burt !
Ræðumenn verða Jóhannes Björn Lúðvíksson höfundur bókarinnar, Falið vald. Frá Hagsmunasamtökum heimilanna kemur Atli Steinn Guðmundsson, ungur fjölskyldufaðir sem hefur ákveðið að flytjast frá landinu með fjölskyldu sína vegna ástandsins og aðgerðarleysis stjórnvalda. Það tók ekki nema 15 mínútur að bjarga fjármagnseigendum í hruninu - Fólkið sem byggir landið var skilið eftir með stökkbreyttan höfuðstól lána og óréttlætið heldur áfram.
Mætum öll og tryggjum þjóðinni sem byggir landið réttlæti.
Síða 7 af 12