Kröfu og samstöðufundur, laugardag kl. 15
Borgarahreyfingin hvetur landsmenn til að mæta á kröfu-og samstöðufund á laugardaginn kl 15:00 á Austurvelli.
Kröfu-og mótmælafundir hafa verið haldnir í allan vetur af NÍ og Hagsmunasamtökum heimilanna og verða þeir haldnir þar til sanngjarnar leiðréttingar vegna stökkbreyts höfuðstóls lána hafa náð fram að ganga til fólksins í landinu.
Ræðumenn verða Þorvaldur Þorvaldsson og Gunnar Waage. Fundarstjóri verður Lúðvík Lúðvíksson Ní.
Opinn fundur í kvöld ! - Hvar er réttlætið ?
Fimmtudaginn 4.feb. kl. 20 verður opinn fundur um banka og fjármálastofnanir í Húsinu að Höfðatúni 12 í Reykjavík.
Efni fundarins verður starfsemi bankanna og lánamál heimilanna.
Frummælendur verða:
Vilhjálmur Bjarnason – lektor við viðskiptafræðideild HÍ
og Sveinn Óskar Sigurðsson - viðskiptafræðingur
Þátttakendur í pallborðsumræðum verða auk frummælenda:
Fulltrúar þriggja hagsmunahópa lántakenda (sem munu lýsa sínum samskiptum við lánastofnanir) og fulltrúi Hagsmunasamtaka heimilanna
Að loknum framsögum mun orðið að sjálfsögðu verða gefið laust.
Mætum og tökum þátt í umræðum um mál sem snerta okkur öll !
Bílalánamótmæli, þriðjudag kl 12:15 !
Borgarahreyfingin vill hvetja alla til að sýna samstöðu og mæta fyrir utan Íslandsbanka á morgun, þriðjudag kl 12:15 !
Við söfnumst saman kl 12:15 hjá Íslandsbanka Kirkjusandi. Við flautum í 3 mínútur hið minnsta.
Við breytum um takt og mótmælum aðeins hjá einni fjármagnsstofnun í hverri viku hér eftir.
Það sem Íslandsbanki er að bjóða er aðeins sjónhverfing, aðeins er verið að lengja í hengingaról skuldsettra einstaklinga og fjölskyldna sem tóku bílalán hjá ónýtu bankakerfi á Íslandi.
Kröfufundur á laugardaginn
Borgarahreyfingin minnir fólk á eftirfarandi :
Hagsmunasamtök heimilanna og Nýtt Ísland vilja enn á ný boða til kröfufundar á Austurvelli næstkomandi laugardag kl. 15:00. Mótmælt verður tregðu stjórnvalda og aðgerðarleysi varðandi lánakjör heimilanna.
Samtökin hafa nú þrýst á stjórnvöld um allangt skeið og gert tilraunir til að ná samvinnu með þeim til að leiðrétta stökkbreyttan höfuðstól lána og setja þak á frekara tjón, en stjórnvöld fría sig ábyrgð og hafa vísað málum til fjármálafyrirtækjanna. Nú er svo komið að bankarnir bjóða upp á
blekkingarleik, auglýsa leiðréttingar á höfuðstól sem síðan sannast að hafa í för með sér hærri vexti og í flestum tilfellum litlar sem engar leiðréttingar þegar á heildina er litið.
Tökum þátt í umræðunni...
Eins og glöggir lesendur síðunnar hafa tekið eftir þá hefur útlit síðunnar tekið breytingum að undanförnu og má segja að frá og með deginum í dag verði hún í sífelldri þróun til betri vegar þannig að hún geti reynst áhugaverðari og aðgengilegri en nokkru sinni fyrr. Síðan hefur strax sýnt aukinn heimsóknarfjölda og er það von okkar allra að hún muni bara eflast í kjölfarið með virkri þátttöku þeirra sem heimsækja síðuna og taka þátt í umræðunni.
Hér á síðuna hafa verið teknir upp hlekkir á borð við "Spjallið" og "Greinar". Tilgangurinn með slíkum hlekkjum er að gera síðuna gagnvirkari en um leið málefnalegri. Með því móti hefur lesandinn beinan aðgang að síðunni og flestar skoðanir fá að njóta sín.
Síða 6 af 12