Bílalánamótmæli á morgun, þriðjudag!
Borgarahreyfingin vill hvetja fólk til að fylgja eftir góðri mætingu á laugardaginn og fylkja liði fyrir framan Íslandsbanka kl 12:15 á morgun, þriðjudag.
Um leið birtum við tilkynningu Nýs Íslands þessa efnis:
Við söfnumst saman fyrir framan Íslandsbanka Kirkjusandi kl 12:15 þriðjdaginn 15. febrúar. Við mótmælum óréttlátum bílasamningum og flautum í 3 mínútur hið minnsta, þ.e.a.s. ef gagn-tilboði NÍ verður hafnað af Íslandsbanka.
Aðeins verður mótmælt hjá Íslandsbanka, þriðjudag 15. febrúar !
Það sem Íslandsbanki er að bjóða, er sjónhverfing, aðeins er verið að lengja í hengingaról skuldsettra einstaklinga og fjölskyldna sem tóku bílasamninga hjá ónýtu bankakerfi á Íslandi.
Fyrir helgi var lántakenda dæmdur sigur í máli gegn Lýsingu Fjármögnun sjá hér. http://www.domstolar.is/domaleit/nanar/?ID=E200907206&Domur=2&type=1&Serial=1&Words=
Vald minnihlutans
Við hrun bankakerfisins í fyrravetur og fyrir kosningarnar vorið 2009 kom fram hávær krafa meðal almennings er snéri að persónukjöri í kosningum. Frambjóðendur og flokkar sáu sér leik á borði og lofuðu kjósendum raunverulegum áhrifum um það hvaða einstaklingar sætu í sveitastjórnum og á hinu himinháa Alþingi. Frumvörp um persónukjör komu fram en ollu hörðustu lýðræðissinnum vonbrigðum þótt skrefin væru vissulega í rétta átt. Nafnbótin „persónu“kjör á samt engan veginn við þau frumvörp sem nú liggja ofan í læstum skúffum Alþingis því raunveruleg áhrif á það hvaða fólk þú vilt sjá fyrir þína hönd í sveitastjórnum eða á Alþingi eru ekki fyrir hendi.
Tíundi kröfufundur NÍ og HH
Nýtt Ísland áætlar að vekja upp bankastjóra og stjórn Íslandsbanka n.k. laugardagsmorgun og minna á kröfu-og mótmælafund á Austurvelli. Þeir sem vilja fylgja vakningalestinni eftir er bent á að hittast fyrir utan Staldrið við Breiðholtsbraut kl 08:00 laugardagsmorguninn 13. febrúar.
Hagsmunasamtök heimilanna og Nýtt Ísland standa fyrir 10. kröfufundi vetrarins á Austurvelli nk. laugard. 13 feb. kl. 15:00.
Nýtt Ísland hefur skorað á Birnu Einarsdóttir að mæta og útskýra úrræði bankans vegna stökkbreysts höfuðstóls bílalána á Austurvelli á laugardag. Ræðutími hennar miðast við 7 mínútur og hefst kröfu-og mótmælafundur kl: 15:00 stundvíslega 13. febrúar 2010.
Frábært heimildamyndakvöld
Þeir voru greinilega ekki að fara af stað með sitt fyrsta heimildamyndakvöld, strákarnir í Gagnauga (hóps áhugafólks um alþjóða- og þjóðfélagsmál) þegar myndin Architects of Control: Mass Control and the Future of Mankind var sýnd við góðar undirtektir í Húsinu að Höfðatúni 12 í gærkvöldi. Valið á myndinni átti svo sannarlega erindi við almenning á Íslandi í dag og sátu þeir 27 gestir sem sýninguna sóttu agndofa í tvo og hálfan tíma.
Krítik:
Myndin var í senn áhrifarík og virkilega útpæld með góðum skírskotunum til kvikmyndasögunnar sem auðveldaði áhorfendum að vinna sig í gegnum myndina og boðskap hennar.
Góð mæting og virkilega gott fyrsta kvöld heimildamyndasýninga Gagnauga sem halda munu áfram að tveimur vikum liðnum (24.febrúar) með annarri og kannski ennþá betri heimildamynd.
Skorað á Birnu Einarsdóttur
Borgarahreyfingin vill vekja athygli á eftirfarandi fréttatilkynningu frá Nýju Íslandi :
Nýtt Ísland skorar á Birnu Einarsdóttir að mæta og útskýra úrræði bankans vegna stökkbreyts höfuðstóls bílalána á Austurvelli á laugardag. Ræðutími hennar miðast við 7 mínútur og hefst kröfu-og mótmælafundur kl: 15:00 stundvíslega.
Birna Einarsdóttir bankastjóri og Ingvar Stefánsson hjá Íslandsbanka útskýrðu meðal annars eftirfarandi sem úrbætur vegna bílalána við forsvarsmenn samtakanna Nýtt Ísland og mótmælendur:
* Hægt er að skila bíl eftir lánstíma, án frekara tjóns lántakenda.
* Úrræði fyrirtækja v/bílalána er fyrirhuguð.
* Hugsanleg ábyrgð bankans vegna ólögmætis myntkörfulána er mikið áhyggjuefni bankans.
* Íslandsbanki gerir sér grein fyrir hugsanlegum skaðabótum bankans gegn lántakendum fari svo að myntkörfulánin verði dæmd ólögleg.
Síða 4 af 12